Ramil İmamov “PAŞA Bank Gürcüstan”ın İdarə Heyətinin Sədri, Baş İcraçı direktoru təyin olundu

6

“PAŞA Bank Gürcüstan” ASC-nin müşahidə şurasının qərarına əsasən, Ramil İmamov 2023-cü ilin oktyabr ayından etibarən “PAŞA Bank Gürcüstan”ın İdarə Heyətinin Sədri və Baş İcraçı direktor vəzifəsinə təyin edilib.

Bank sektorunda böyük təcrübəyə malik olan Ramil İmamov Azərbaycan Dövlət İqtisad Universitetində İqtisadiyyatın Tənzimlənməsi üzrə bakalavr və magistr təhsili alıb. O, həmçinin “Duke” Universitetinin “ASEP” proqramını və “Erickson Coaching International” (Moskva) proqramını bitirib.

Ramil İmamov karyerasına “Bank of Baku” ASC-də Mikrobiznes və KOB Departamentində mütəxəssis kimi başlayıb, daha sonra filial müdiri vəzifəsinə yüksələrək satışları idarə edib və xidmət keyfiyyətini təmin edib. 2014-cü ildən fəaliyyətini  “Kapital Bank” ASC-də Filial Şəbəkəsinin İdarə Edilməsi Departamentinin direktoru vəzifəsində davam etdirib.  2018-ci ildən etibarən “Kapital Bank” ASC-də Baş Pərakəndə Satış inzibatçısı vəzifəsini icra edib.

O, 2023-cü ilin oktyabr ayından etibarən “PAŞA Bank Gürcüstan” ASC-nin Baş İcraçı Direktoru vəzifəsinə təyin edilib. “PAŞA Bank Gürcüstan” ASC bankçılıq, sığorta, tikinti, informasiya texnologiyaları, daşınmaz əmlak və turizm sektorlarına sərmayə yatıran PAŞA Holding investisiya qrupunun bir hissəsidir.

PAŞA Bank 2013-cü ildən Gürcüstanda fəaliyyət göstərir.