S&P İsrailin kredit reytinqini “mənfi”yə endirib

1

S&P geosiyasi risklərə görə İsrailin kredit reytinqinin proqnozunu “neqativ”ə endirib.

BBN.az xəbər verir ki, ötən günlərdə Beynəlxalq Kredit Reytinq Agentliyi Standard & Poor’s (S&P) İsrailin kredit reytinqini “AA-” olaraq təsdiqləyib və geosiyasi risklər səbəbindən reytinq proqnozunu “stabil”dən “neqativ”ə dəyişib.

S&P İsrailin kredit reytinqinin proqnozuna yenidən baxıb.

Qurumdan verilən açıqlamada İsrailin uzun və qısamüddətli xarici valyuta və yerli valyutada kredit reytinqlərinin “AA-/A-1+” olaraq təsdiqləndiyi bildirilib.

Qeyd edək ki, açıqlamada ölkənin kredit reytinqi proqnozunun “stabil”dən “mənfi”yə dəyişdirildiyi, mənfi proqnozun isə İsrail-Fələstin münaqişəsinin daha geniş əraziyə yayılması ilə əlaqədar olduğu, ya da İsrailin kredit ölçmələrinin gözlənildiyindən daha çox mənfi təsirə məruz qalması riskini əks etdirdiyi bildirilib.