S&P reytinqləri yeniləyib

Beynəlxalq reytinq agentliyi “Standart & Poor’s” (S&P) Rusiya və Ukrayna dövlətləri arasında baş verən gərginliyin fonunda sözügedən ölkələrin reytinq dərəcələrini açıqlayıb. Münaqişənin ilkin başlanma günlərində ölkənin kredit reytinqini “B” səviyyəsindən “B-“ səviyyəsinə endirmişdi. Periodik olaraq açıqlanan son reytinq hesabatında kredit reytinqi sabit saxlanılsa da, ölkə hələ də “yüksək risk” şkalasında yer alır.

Münaqişənin digər tərəfi olan Rusiya Federasiyasının kredit reytinqi  “BB+”dan “CCC-” səviyyəsinə endirilib. “Neqativ” proqnoz ilə dəyərləndirilən ölkə şkalada “yüksək risk” daşıyan ölkələr arasındadır. Məlumat üçün qeyd edək ki, digər kredit reytinq agentlikləri olan “Fitch” Rusiyanın kredit reytinqini “BBB” səviyyəsindən “B” səviyyəsinə, “Moody’s” isə “Baa3” səviyyəsindən “B3” səviyyəsinə endirib. Rusiya Federasiyasına məxsus 32 bank isə “Rating Watch Negative” (RWN) statusuna gətirilib.

© Materiallardan istifadə edərkən hiperlinklə istinad olunmalıdır