Taleh Kazımovun ABŞ-də işgüzar görüşləri davam edir

Mərkəzi Bankın sədri Taleh Kazımovun rəhbərlik etdiyi nümayəndə heyəti Dünya Bankı və Beynəlxalq Valyuta Fondunun Yaz Toplantılarında iştirak çərçivəsində Visa təşkilatının Mərkəzi və Şərqi Avropa, Yaxın Şərq və Afrika regionu üzrə prezidenti Endryu Torre ilə görüşüb.

Mərkəzi Bank ilə Visa arasında mövcud əməkdaşlıq və gələcək fəaliyyət imkanlarının müzakirəsi görüşün əsas mövzusu olub. Həmçinin ödəniş sektorunda innovasiyanın təşviqi istiqamətində Visa ilə əməkdaşlığın genişləndirilməsinə dair fikir mübadiləsi aparılıb.