Tramp Aİ mallarına gömrük rüsumlarının tətbiqini təxirə saldı

2

ABŞ Prezidenti Donald Tramp, 2025-ci il iyunun 1-dən etibarən Avropa İttifaqına (Aİ) qarşı nəzərdə tutulan 50 faizlik birbaşa gömrük rüsumunun tətbiqini təxirə saldığını açıqlayıb.

BBN.az xəbər verir ki, Tramp bu barədə “Truth Social” platformasında Avropa Komissiyasının sədri Ursula fon der Leyen ilə telefon danışığı haqqında paylaşım edib.

O bildirib ki, fon der Leyen gömrük vergisinin tətbiqi üçün əlavə vaxt istədiyini vurğulayıb. Tramp isə bu müraciəti nəzərə alaraq, rüsumların tətbiqini 9 iyul 2025-ci il tarixinə qədər təxirə saldığını qeyd edib. O, göstərdiyi marağa görə fon der Leyenə təşəkkür edib və AB–ABŞ ticarət danışıqlarının yaxın zamanda başlayacağını bildirib.

Öz növbəsində, Ursula fon der Leyen də sosial media hesabında paylaşım edərək Tramp ilə məhsuldar bir telefon danışığı keçirdiyini qeyd edib. O, “Avropa İttifaqı və ABŞ dünyanın ən əhəmiyyətli və yaxın ticarət tərəfdaşlarıdır” ifadəsini işlədib.