Tramp fırıldaqçılıq ilə bağlı 355 milyonluq cərimədən sonra maraqlı addım atıb

Sabiq ABŞ prezidenti Donald Tramp Nyu York məhkəməsinin qəbul etdiyi qərardan sonra öz sərvəti ilə əlaqədar (sərvətinin miqdarı haqda yalan məlumat verib) fırıldaqçılığa görə 1.000 cüt idman ayaqqabılarını (snikers) satışa çıxarıb. Qiyməti isə bir cüt ayaqqabı üçün isə 399 dollar təyin edilib və hər bir müştəriyə isə yalnız 3 cütün satışısına icazə verilib.

BBN.az NBC News TV kanalına istinadən xəbər verir ki, ona ödənilməsi təyin edilən cərimənin məbləği isə 355 milyon dollar təşkil edib.

Sabiq prezidentə onlayn vasitəsilə qızılı rəngdə ayaqqabıların satışa çıxarılması fikri isə məhkəmənin qərarından sonra gəlib. Satışa çıxarılan bütün məhsullar isə cəmi 2 saat ərzində bitib.

Qeyd edək ki, sabiq prezidentin 2024-cü ilin noyabrda keçiriləcək ABŞ prezident seçkiləri üçün Respublikaçılar partiyasından namizəd olacağı gözlənilir.