WhatsApp-a iki yeni funksiya gələcək

Ən məşhur mesajlaşma proqramlarından biri olan WhatsApp iki yeni funksiya üzərində işləyir.

BBN.az xəbər verir ki, spam mesajları bloklamaq və status bəyənmələrini idarə edə bilmək üçün WhatsApp funksiyalarını inkişaf etdirməyə çalışır.

Bu yeniləmə ilə WhatsApp müəyyən həcmi keçən və naməlum hesablardan gələn mesajları avtomatik bloklayacaq və status bəyənmələri indi istifadəçilərin izləyici siyahısında görünəcək.

Mesajların bloklanması xüsusiyyəti ilə tətbiqin emal etməli olduğu məlumatların miqdarının əhəmiyyətli dərəcədə azalacağı gözlənilir.

Hələ beta mərhələsində olan xüsusiyyətlərin önümüzdəki həftələrdə bütün istifadəçilərə təqdim ediləcəyi gözlənilir.