Xidmət sahəsi üzrə layihələr üçün sahibkarlar SİF-in güzəştli kreditlərindən yararlana bilərlər

Xidmət sahəsi üzrə layihələrin dəstəklənməsi Sahibkarlığın İnkişafı Fondunun (SİF) güzəştli kredit mexanizmi üzrə 2024-cü il üçün müəyyənləşdirilmiş prioritet istiqamətlərdəndir.

BBN.az xəbər verir ki, bu haqda SİF-in məlumatında qeyd edilib.

“Belə ki, Naxçıvan Muxtar Respublikası və işğaldan azad olunmuş ərazilərdə fəaliyyət göstərməklə ictimai iaşə (restoran, kafe, yeməkxana, bufet və s.), ictimai nəqliyyat (müəyyən marşrut xətti üzrə nəqliyyat vasitələri ilə sərnişin daşınmasının həyata keçirilməsi) və digər xidmət sahələrinin inkişafını nəzərdə tutan layihələr bu prioritet istiqamətə aid edilir. Sahibkarlar belə layihələr üzrə SİF-in güzəştli kreditlərindən yararlana bilərlər”, – deyə məlumatda qeyd edilib.