Yandex Rusiyadan ayrılır

Rusiyanın aparıcı texnologiya şirkəti olan Yandex-in ana şirkəti olan YNV şirkətin Rusiyadakı əməliyyatlarını 5,2 milyard dollara satmaq qərarına gəlib. Bu, Rusiyanın 2022-ci ildə Ukraynanı işğalından sonra ölkədəki ən böyük korporativ satış olub.

BBN.az xəbər verir ki, 18 aylıq danışıqlardan sonra Yandex-in sahibi olan və baş ofisi Hollandiyada olan YNV şirkəti Rusiyadakı əməliyyatlarını bir qrup Yandex rəhbərlərinə və Rusiyaya bağlı investorlara satıb

Belə ki, axtarış sistemi, qida çatdırma şirkəti və taksi çağırış tətbiqi tamamilə Rusiyanın nəzarətində olduğu halda, Hollandiyanın YNV şirkətinə yalnız süni intellektlə bağlı bəzi əməliyyatlar qaldı.

Beləliklə, YNV Yandex-dən əldə etdiyi gəlirin 95 faizini təşkil edən fəaliyyətini Rusiyaya təhvil verdi.