Yanvarda bankların əmanət portfeli artıb

0

Yanvar ayında bankların əmanət portfeli (sahibkarlıqla məşğul olan fiziki şəxslər istisna olmaqla) 1.8% və ya 203.8 milyon manat artmışdır.

BBN.az Mərkəzi Bankın yanvar ayı statistik bülleteninə istinadən xəbər verir ki, portfelinin 53%-i (6 milyard 196.3 milyon manat) müddətli əmanətlərdən ibarətdir.

31 Dekabr 2023-cü il tarixində bankların öhdəliklərin strukturunda depozit portfeli üstünlük təşkil edir (cəmi öhdəliklərin 82%-i və ya 32 milyard 968.8 milyon manat). Depozit portfelinin 64.6%-ni (21 milyard 282 milyon manat) hüquqi şəxslərin depozitləri, 35.4%-ni (11 milyard 686.8  milyon manat) fiziki şəxslərin depozitləri (əmanət portfeli) təşkil edib.

Fiziki şəxslərin əmanətlərinin dollarlaşması yanvar ayında ilin əvvəlinə nəzərən 0.4 faiz bəndi, əvvəlki ilin müvafiq dövrünə nəzərən isə 0.5 faiz bəndi azalaraq 38.8% təşkil etmişdir.