Yapon yeni ABŞ dolları qarşısında son 24 ilin, yəni 1998-ci ilin avqustundan bəri ən aşağı səviyyəsinə enib.
BBN.az BBC Business-ə istinadən xəbər verir ki, bu isə hökuməti təcili tədbirlər görməyə sövq edib.
Dolların bahalaşmasına səbəb isə, dünyanın ən güclü iqtisadiyyatına malik olan ABŞ-ın əmək bazarının özünü bərpa etdiyinə dair məlumatların yayımlanması olub. Cümə axşamı günü 1 ABŞ dollarının məzənnəsi özünün psixoloji səviyyəsinə çatıb və 140 Yapon yeninə dəyişdirilib.
Lakin dollar qarşısında dəyər itirən tək valyuta yapon yeni deyil, belə ki, Britaniya funt sterlinqi 2016-cı ilin oktyabrından bəri ilk dəfə dollar qarşısında 5% dəyər itirib.