Yaponiyada holoqrafik pos-terminallar sınaqdan keçirilir

ABŞ mərkəzli supermarketlər şəbəkəsi 7-Eleven Yaponiyada fəaliyyət göstərən filiallarında innovativ layihə həyata keçirməyə hazırlaşır. Texnologiya nəhəngi “Toshiba” ilə tərəfdaşlıq nəticəsində test mərhələsinə start verilən layihə çərçivəsində, 7-Eleven mağazalarında “Digi POS” sistemi istifadəyə veriləcək.

Rəqəmsal ödənişlər yönümlü “Digi POS” ödəniş aləti vasitəsilə POS terminal interfeysi holoqrafik formatda olacaq və istifadəçinin rahat istifadəsinə uyğun yerləşəcək.

“Digi POS” ödəniş terminalının holoqrafik görünüş texnologiyası və toxunuş sensorları İsveç mərkəzli “Neonode” şirkəti tərəfindən təchiz edilib.

İlkin test mərhələsi 7-Eleven şəbəkəsinin Tokyo şəhərində yerləşən Akasaka Tokyu Plaza filialında başladılıb. Texnologiyanın ilkin görüntüsü ilə buradan tanış ola bilərsiniz.