Məlumata əsasən, ev təsərrüfatlarının istehlakı inflyasiyanı 1.57% artırıb.
Kənd təsərrüfatı istehsalçı qiymətləri indeksi isə daha güclü təsir göstərərək inflyasiyaya 3.64% yüksəldici təsir edib.
Bununla yanaşı, ticarət tərəfdaşlarımızda inflyasiyanın artması ölkəmizə idxal kanalı ilə 2.8% əlavə təzyiq göstərib.
Sərnişindaşıma tariflərində cüzi artım inflyasiyanı 0.14% yüksəldib.
Digər tərəfdən, bir sıra amillər inflyasiyanı azaldıcı istiqamətdə təsir göstərib.
Belə ki, dövlət istehlakı inflyasiyanı 0.44%,
nominal effektiv məzənnənin möhkəmlənməsi isə 0.34% aşağı salıb.
Digər amillərin ümumi təsiri də 1.37% səviyyəsində azaldıcı olub.
Beləliklə, bütün bu faktorların birgə təsiri nəticəsində 2025-ci il üzrə ümumi illik inflyasiya 6 faiz səviyyəsində formalaşıb.
