ABŞ-da ipoteka kreditləri üzrə faiz dərəcələri 6.02%-ə yüksəlib, bu isə 2008-ci ilin payızından bəri ilk dəfə ən yüksək səviyyədir. Maraqlıdır ki, 2021-ci ilin sentyabrın 15-də isə bu rəqəm cəmi 2.86% olub.
BBN.az CNN Business-ə istinadən xəbər verir ki, Freddie Mac-ın baş iqtisadçısı Sam Khater isə deyib ki, inadkar yüksək inflyasiya ipoteka faiz dərəcələrinin artmasına səbəb olur.
ABŞ-da inflyasiya ilə bağlı gözlənilənin əksinə olan son data-lar isə faiz dərəcələrinə təsir edib. Baş iqtisadçı deyib ki, “2022-ci il başlayan zaman faiz 3.22 olub, cari ilin I yarısında isə daha kəskin artıb və iyunun ortasında isə təxminən 6%-ə yaxın idi”.
“Lakin bundan sonra iqtisadiyyatda baş verən hadisələr və ABŞ Mərkəzi Bankının (FED) inflyasiyanın sürətini yavaşlatmaq missiyası faiz dərəcələrini daha dəyişkən edib”, – deyə o, sözlərinə əlavə edib.
Məsələn, bu gün eyni qiymətə mənzil sahibi olmaq istəyən şəxs orta hesabla 6.02% dərəcəsi ilə ayda 1.875 dollar faiz ödəməlidir ki, bu isə hər ay 583 dollar daha çoxdur.
