Avropa Birliyində əmək haqqı şəffaflığına dair yeni layihə hazırlanır: Kişilər qadınlardan 13% daha çox qazanır

Avropa Birliyi (Aİ) kişilər və qadınlar arasında əmək haqqı şəffaflığı prinsipinin gücləndirilməsi niyyətindədir. 

BBN.az Avropa Konsulluğunun rəsmi saytına istinadən xəbər verir ki, region üçün yeni hazırlanan ilkin layihənin iş yerində kişi və qadınların əmək haqqı fərqinin aradan qalxacağına kömək edəcəyinə inanırlar.

Bildirilir ki, araşdırmalar nəticəsində məlum olub ki, 2020-ci ildə Aİ ölkələrin iş yerində çalışan kişilər və qadınlar arasında əmək haqqı fərqi 13% olub. Bu isə qadınların hər saata görə kişilərdən orta hesabla 13% az əmək haqqı aldığına işarədir.

Avropa Konsulluğu özünün məqaləsində qeyd edir ki, belə bir fərqin olması uzunmüddəli dövrdə qadınların həyat keyfiyyətinə təsir edir, pensiya fərqinin yaranmasına gətirib çıxarır. Belə ki, 2018-ci ildəki data-ya, əsasən Aİ-də kişi və qadınlar arasında pensiya ödəniş fərqi təxminən 30% civarında olub.