Daşınmaz Əmlakın Dövlət Kadastrı və Reyestrinin sədri vətəndaşları qəbul edəcək

Aprelin 7-də, saat 12:00-da İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestrinin İdarə Heyətinin sədri Nigar Alimova Şəki şəhərində Şəki, Zaqatala, Balakən və Qax rayonlarından olan vətəndaşları qəbul edəcək.

Dövlət Xidmətindən verilən məlumata əsasən qəbul şəhərin Heydər Əliyev prospekti, 234 ünvanında yerləşən Heydər Əliyev Mərkəzində – Kiçik və Orta Biznesin İnkişafı Agentliyinin Şəki “KOB Dostu” ofisində olacaq.

Vətəndaşlar daşınmaz əmlakın qeydiyyatı, kadastrı və aidiyyəti üzrə digər məsələlərlə bağlı müraciət edə bilərlər.

Qəbula gəlmək istəyənlər (012) 5109333 və 055 4652368 nömrəli telefonlarla və ya rsalmanli@emlak.gov.az elektron ünvanı vasitəsilə, həmçinin qurumun Şəki Ərazi İdarəsinə (telefon: 050 5191323, elektron ünvan: dedkr.12sayli@emlak.gov.az), Zaqatala Ərazi İdarəsinə (telefon: 055 3066107, elektron ünvan: dedkr.18sayli@emlak.gov.az) 4 aprel saat 18:00-dək müraciət etməklə qeydiyyatdan keçə bilərlər.