2025-ci ilin ilk yeddi ayı ərzində Azərbaycanda pərakəndə ticarət və ictimai iaşə fəaliyyəti ilə məşğul olan obyektlərdən alınan mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla), eləcə də tibb müəssisələri və özəl tibbi praktika ilə məşğul olan fiziki şəxslərin göstərdiyi tibbi xidmətlərə görə ödənilmiş əlavə dəyər vergisinin (ƏDV) təxminən 108,6 milyon manatlıq hissəsi fiziki şəxs olan istehlakçılara geri ödənilib.
BBN.az bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir.
Bununla yanaşı, hesabat dövründə xarici vətəndaşlara ölkədə şəxsi istifadə üçün aldıqları mallara görə “tax free” sistemi çərçivəsində geri qaytarılan ƏDV-nin məbləği 5 milyon 874 min manat olub.
