2 
Türkiyənin Orta Müddətli İqtisadi Proqramına görə, 2025-ci ildə inflyasiya 28,5%, 2026-cı ildə isə 16% səviyyəsində proqnozlaşdırılır. 2027-ci ildən etibarən inflyasiyanın tək rəqəmli səviyyəyə endirilməsi və qiymət sabitliyinin bərpası əsas hədəf kimi müəyyən olunub.
Proqramın əsas prioritetləri disinflyasiya, balanslaşdırılmış iqtisadi artım və davamlı sosial rifahdır. İyul ayında Mərkəzi Bank uçot dərəcəsini 300 baza bəndi azaldaraq yumşaldıcı siyasəti bərpa edib.
Rəsmi məlumatlara görə, avqustda illik inflyasiya 33%-ə yaxınlaşıb. Məhkəmənin İstanbul müxalifət rəhbərini vəzifədən uzaqlaşdırması isə bazarlarda kəskin enişə səbəb olub və investor əhval-ruhiyyəsinə təsir göstərib.
