2026-cı ilin yanvar-iyun aylarında Azərbaycanda məcburi dövlət sosial sığorta haqları üzrə daxilolmalar 3 milyard 422,7 milyon manat təşkil edib. Bu göstərici proqnozu 189,9 milyon manat üstələyib.
Məlumata görə, hesabat dövründə qeyri-büdcə təşkilatları üzrə sosial sığorta daxilolmaları 2 milyard 244,9 milyon manatdan çox olub.
Eyni zamanda, işsizlikdən sığorta haqları üzrə daxilolmalar 122,1 milyon manata çatıb ki, bu da proqnozdan 6 milyon manat artıqdır. Bu istiqamətdə qeyri-büdcə təşkilatlarından daxilolmalar isə 92,5 milyon manatı ötüb.
İcbari tibbi sığorta haqları üzrə daxilolmaların həcmi isə 517,1 milyon manatdan çox olub. Bu sahədə proqnoz 13 milyon manat üstələnib, qeyri-büdcə təşkilatları üzrə daxilolmalar isə 337,4 milyon manatdan artıq təşkil edib.
