ABŞ və İsrailin İrana endirdiyi zərbələrdən sonra bölgədə münaqişə riski artıb. Bu fonunda investorlar əsasən qızıl və ABŞ dolları kimi “təhlükəsiz liman” aktivlərinə yönəlib. Bununla yanaşı, digər mühüm valyutalar da güclənib.
-
ABŞ dolları avro qarşısında son beş həftənin maksimumuna çatıb.
-
İsveçrə frankı avroya qarşı son on ildən yüksək səviyyəyə yüksəlib.
Neft qiymətlərinin artması dolların əsas valyutalara qarşı möhkəmlənməsinə səbəb olub. Bu isə treyderləri ABŞ Federal Ehtiyat Sisteminin (FES) faiz endirimləri ilə bağlı proqnozlarını yenidən nəzərdən keçirməyə vadar edib. Bloomberg-in hesablamasına görə, dollar indeksi 0,7% artaraq fevralın əvvəlindən bəri ən yüksək səviyyəyə çatıb.
Bazar əhvalı da dolları dəstəkləyir. ABŞ-ın S&P 500 fyuçersləri 1,5% geriləyib. İranın milli təhlükəsizlik rəhbəri ABŞ-la danışıqlar aparılmayacağını bəyan edib, Prezident Donald Tramp isə bombardmanların davam edəcəyini açıqlayıb.
Əsas valyutaların məzənnələri:
-
İsveçrə frankı: avroya qarşı +0,7% (0,903), dollara qarşı +0,4% (0,7661)
-
Dollar indeksi (DXY): +0,3% (98,27)
-
Yapon yeni: dollara qarşı -0,6% (157)
-
Avro: dollara qarşı -0,8% (1,1725)
-
Funt sterlinq: -0,9% (1,3372)
-
Avstraliya dolları: -1,2%
-
Yeni Zelandiya dolları: -0,8%
-
Norveç kronu: dollara qarşı +0,7%
-
Kanada dolları: sabit
-
Çin ofşor yuanı: dollara qarşı -0,3% (6,8801)
Regiondakı vəziyyət:
-
İranın ali lideri Ayətullah Əli Xamenei həlak olub və hakimiyyət uğrunda mübarizə başlanıb.
-
İran İnqilab Keşikçiləri üç ABŞ və Böyük Britaniya neft tankerinə hücum etdiyini açıqlayıb.
-
İsrail, BƏƏ, Qətər, Bəhreyn və Küveytdə partlayışlar qeydə alınıb.
-
İsrail Livanda “Hizbullah” qruplaşmasına qarşı hərbi əməliyyatlarını genişləndirib.
-
Kipr Prezidenti Böyük Britaniyanın Akrotiri hərbi bazasının PUA ilə hədəf alındığını açıqlayıb.
Analitiklər bildirir ki, neft qiymətlərinin bahalaşması, Hörmüz boğazının vəziyyəti və Yaxın Şərqdə gərginliyin davam etməsi valyuta və enerji bazarlarında qeyri-müəyyənliyi artırır. ABŞ dolları və qızıl riskli aktivlərdən uzaqlaşan investorlar üçün əsas “təhlükəsiz liman” rolunu oynamağa davam edir.
