2026-cı ilin yanvar-iyun aylarında İpoteka və Kredit Zəmanət Fondunun (İKZF) xətti ilə 226,3 milyon manat həcmində ipoteka krediti verilib.
BBN.az xəbər verir ki, Azərbaycan Mərkəzi Bankının məlumatına əsasən, bu göstərici ötən ilin müvafiq dövrü ilə müqayisədə 2,8 faiz azdır.
Hesabat dövründə Fond tərəfindən yenidən maliyyələşdirilən kreditlərin həcmi də azalma nümayiş etdirib. Belə ki, bu istiqamətdə ayrılan vəsait 39,7 faiz azalaraq 131,6 milyon manat təşkil edib.
Mərkəzi Bankın açıqladığı statistikaya görə, son bir ildə İKZF-nin istiqraz emissiyası vasitəsilə cəlb etdiyi maliyyə vəsaiti 39,4 faiz azalaraq 200 milyon manata düşüb.
Bununla yanaşı, dövlət büdcəsindən Fonda ayrılan maliyyə dəstəyi dəyişməyib. Hesabat dövründə bu məbləğ əvvəlki ildə olduğu kimi 42,6 milyon manat səviyyəsində qalıb.
