Bu ilin yanvar-iyun aylarında Gürcüstan ilə Azərbaycan arasında ticarət dövriyyəsinin həcmi 691,2 milyon ABŞ dolları təşkil edib. Bu göstərici ötən ilin eyni dövrü ilə müqayisədə 10,6% artıb.
BBN.az xəbər verir ki, bu barədə Gürcüstanın Milli Statistika İdarəsinin ilkin hesabatında bildirilib.
Hesabata əsasən, Azərbaycan Gürcüstanın ümumi xarici ticarət dövriyyəsində 5,3% payla Türkiyə, Rusiya, Çin və ABŞ-dan sonra beşinci ən böyük ticarət tərəfdaşı olub.
Yanvar-iyun aylarında Gürcüstandan Azərbaycana ixrac edilən məhsulların dəyəri 335,8 milyon ABŞ dolları təşkil edib ki, bu da illik müqayisədə 1,8% azalma deməkdir. Azərbaycan Gürcüstanın ixrac bazarlarında 8,7% payla Qırğızıstan və Çindən sonra üçüncü sırada qərarlaşıb.
Eyni zamanda, Gürcüstanın Azərbaycandan idxal etdiyi məhsulların dəyəri 25% artaraq 355,2 milyon ABŞ dollarına yüksəlib. Azərbaycan 3,9% payla Gürcüstanın əsas idxal tərəfdaşları arasında Türkiyə, Rusiya, Çin, ABŞ və Almaniyadan sonra altıncı yeri tutub.
Hesabat dövründə Gürcüstanın ümumi xarici ticarət dövriyyəsi 12,9 milyard ABŞ dolları olub. Bunun 3,87 milyard dollarını ixrac, 9,05 milyard dollarını isə idxal əməliyyatları təşkil edib.
