Distant formada korporativ hüquq təliminə başlanılıb

Koronavirus (COVID-19) pandemiyası ilə əlaqədar ölkə üzrə elan edilmiş xüsusi karantin rejimi ilə bağlı Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi fəaliyyətini distant formada davam etdirir.

Bu gündən etibarən Xaçmaz KOB İnkişaf Mərkəzində distant formada “Korporativ hüquq” təliminə başlanılıb. Quba-Xaçmaz iqtisadi rayonunda fəaliyyət göstərən 15 mikro, kiçik və orta biznes subyektinin iştirak etdiyi təlim 4 gün davam edəcək.

Təlim çərçivəsində KOB-lara əmək hüququ, kommersiya qurumlarının yaradılması, şirkətin ləğvi və yenidən təşkili, idarəetmə və s. barədə ətraflı məlumat veriləcəkdir.

“Korporativ hüquq” təliminə qoşulmaq istəyən sahibkarlıq subyektləri qeyd olunan əlaqə vasitələrinə müraciət edə bilərlər:

Telefon/Whatsapp: (055) 222 15 04 (Rauf Əliyev),

e-mail: khachmazkobim@gmail.com.