Taxıl istehsalçıları və istehlakçıları ilə müzakirələr aparılıb

Kiçik və Orta Biznesin İnkişafı Agentliyinin (KOBİA) təşkilatçılığı ilə keçirilən sahəvi görüşlər çərçivəsində aprelin 8-də taxıl istehsalçıları və istehlakçıları ilə görüş keçirilib. 

Kənd Təsərrüfatı Nazirliyinin, Aqrar Tədqiqatlar Mərkəzinin, Dövlət Taxıl Fondunun, “Aqrar Tədərük və Təchizat” ASC-nin və Aqrar Sığorta Fondunun nümayəndələrinin iştirakı ilə təşkil olunmuş onlayn görüşdə 30-a yaxın sahibkarlıq subyekti iştirak edib. 

Görüşdə əkin sahələrinin suvarılması, taxıl istehsalı, yeni ambarların tikilməsi və subsidiyaların verilməsi barədə müzakirələr aparılıb, sahibkarların sualları cavablandırılıb. Həmçinin, onlayn görüş çərçivəsində Aqrar Siğorta Fondu tərəfindən aqrar sığorta mexanizminə dair təqdimat keçirilərək sahibkarlar maarifləndirilib.