Agentlik sədri onlayn qaydada vətəndaşların müraciətlərini cavablandırıb

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Mustafa Abbasbəyli növbəti dəfə onlayn qaydada vətəndaşları qəbul edib. Qəbulda Bakı, Qarabağ və Mil-Muğan Regional Məşğulluq filialları üzrə vətəndaşlar iştirak edib.

Səsləndirilən müraciətlər əsasən iş ilə təminat və özünüməşğulluq proqramı ilə bağlı olub. M.Abbasbəyli vətəndaşlara məşğulluq imkanlarının qiymətləndirilməsi əsasında uyğun vakansiyalara göndərişlərin verilməsi, növbəlilik sistemi və özünüməşğulluq proqramının icrası ilə bağlı məlumat verib.

Araşdırma tələb edən müraciətlərin həll edilməsi ilə bağlı müvafiq göstərişlər verilib.