Apple-ın Google Gemini ilə süni intellekt görüşü

4

Apple iPhone modellərini Google-un süni intellekt modeli Gemini ilə gücləndirmək istəyir. Bildirilir ki, Apple iOS 18 üçün hazırlanan yeni AI xüsusiyyətlərini gücləndirmək üçün Gemini-dən istifadə edəcək.

BBN.az məsələyə yaxın mənbələrə istinadən xəbər verir ki, iki şirkət məsələ ilə bağlı danışıqlar aparır, lakin hələlik yekun razılaşma yoxdur. Mənbələr Apple-ın Open AI ilə də danışıqlar apardığını bildirib.

Apple ilə potensial sövdələşmə Gemini-nin indiyədək ən yüksək profilli tərəfdaşlığı ola bilər.

Müqavilə Google-un süni intellekt xidmətlərini 2 milyarddan çox aktiv Apple cihazında əlçatan edə bilər ki, bu da Gemini-nin Microsoft tərəfindən dəstəklənən rəqibi OpenAI-a qarşı rəqabət üstünlüyünü artırır.

Samsung, həmçinin Google ilə əməkdaşlıq etmişdi və Yanvar ayında təqdim etdiyi yeni telefon modelinə Gemini adlı süni intellekti inteqrasiya edib.

Apple CEO-su Tim Cook, məhsuldar süni intellektə əhəmiyyətli dərəcədə sərmayə qoyduqlarını və bu ilin sonunda bu sahədəki planları haqqında daha çox məlumat paylaşacaqlarını bildirdi.