Azərbaycan və Çin arasında iqtisadi əlaqələrin inkişaf dinamikası, biznes tərəfdaşlığının şaxələndirilməsi və sənaye sahəsində əməkdaşlığın genişləndirilməsi imkanları müzakirə olunub.
Bu barədə İqtisadiyyat Nazirliyi məlumat yayıb.
Məlumata görə, iqtisadiyyat naziri Mikayıl Cabbarov Çinin alüminium və metallurgiya texnologiyaları sahəsində fəaliyyət göstərən “Xinjiang Joinworld Co., Ltd.” şirkətinin baş direktorunun müavini Ma Bin ilə görüşüb.
Görüşdə Azərbaycan və Çin arasında iqtisadi əlaqələrin inkişaf dinamikası, biznes tərəfdaşlığının şaxələndirilməsi, eləcə də sənaye sahəsində əməkdaşlığın genişləndirilməsi perspektivləri diqqət mərkəzində olub.
Tərəflər metallurgiya sənayesində birgə layihələrin həyata keçirilməsi imkanlarını nəzərdən keçiriblər. Həmçinin müasir texnologiyaların və innovativ həllərin tətbiqi, nou-haunun cəlb edilməsi və bu istiqamətlərdə təcrübə mübadiləsinin təşviqi məsələləri müzakirə olunub.
Görüşdə qarşılıqlı maraq doğuran digər istiqamətlər üzrə potensial əməkdaşlıq imkanları ətrafında fikir mübadiləsi aparılıb.
