Home » Aqşin Mirzəzadə: “Etimad, məxfilik və müştərinin maliyyə rahatlığı “PASHA Private Banking” fəlsəfəsinin təməlində dayanır”

Aqşin Mirzəzadə: “Etimad, məxfilik və müştərinin maliyyə rahatlığı “PASHA Private Banking” fəlsəfəsinin təməlində dayanır”

by khayale
0 rəy 1 baxış 3 dəqiqə oxuma

“PAŞA Bank”ın Özəl Bankçılıq blokunun baş direktoru Aqşin Mirzəzadə ilə müsahibə.

Aqşin bəy, “PASHA Private Banking” və onun fəlsəfəsinin təməlində hansı dəyərlər dayanır?

2010-cu ildə fəaliyyətə başlayan “PASHA Private Banking” Azərbaycan bazarında xidmət göstərən ilk yerli “private banking” institutudur. Biz beynəlxalq təcrübəni mənimsəyərək və yerli bazarın xüsusiyyətlərini nəzərə alaraq, müştərilərlə uzunmüddətli və etibarlı əlaqələr qurub, onların məqsədlərinə uyğun fərdi və fərqli yanaşma əsasında maliyyə xidmətləri və məhsullarını yüksək keyfiyyətlə təqdim edirik. “PASHA Private Banking” ilk dəfə “private banking” yanaşmasını Azərbaycanda tətbiq edib.

İllər ərzində böyüyən “PASHA Private Banking” bu gün müştərilər üçün “private banking” xidmətləri və əsas fəaliyyət sahəsi olan sərvətin idarə edilməsini təklif edir. Müştəri sərvətlərinin idarə olunmasında riski müştərinin risk iştahasına və məqsədlərinə uyğunlaşdırmaq və düzgün şəkildə idarə etmək,  eyni zamanda sərvətlərin potensialını reallaşdırmaq xüsusi yanaşma tələb edir.

Bir sözlə, “PASHA Private Banking” fəlsəfəsinin təməlində etimad, məxfilik və müştəriləri maliyyə rahatlığı ilə təmin etmək və kompleks həlləri təqdim etmək öhdəliyi dayanır. Bizim başlıca məqsədimiz müştərilərimizin həyatını asanlaşdırmaq, sərvətlərini artırmaq və gələcək nəsillərə ötürməkdir.

“Private banking” və yerli bazarda geniş şəkildə təqdim olunan “VIP” bankçılıq  xidmətləri arasında əsas fərq nədir?

İlk öncə qeyd etmək istərdim ki, növbəsiz bankçılıq və şəxsi menecerin olması bu xidmətin “private banking” adlandırılması üçün kifayət deyil. “Private banking” – müştərilər ilə bank arasında etibara əsaslanan və uzunmüddətli münasibət deməkdir. Bu münasibət müştəriyə, onun ailə üzvlərinə sərgilənən fərdi yanaşma və müştəri yönümlülüyü ilə fərqlənir. Standart məhsullarla, amma VİP adı altında müştəri kütləsinə xidmət edən bankçılıqdan fərqli olaraq, “private banking” hər bir müştəri üçün fərdi həll yollarına diqqət yetirir.

Məsələn, “PASHA Private Banking” müştərilərə ölkədə ilk dəfə olaraq maliyyə konsultasiya və sərvətin idarə olunması xidmətləri, müvafiq risk iştahası üzrə investisiya strategiyasının həyata keçirilməsi və s. özəl xidmətlər təklif edib. Hər bir müştəri onlara verilən  xüsusi imtiyazlardan faydalana bilir.

Beləliklə, “PASHA Private Banking” olaraq əsas prioritetimiz güclü və uzunmüddətli əlaqələr qurmaq, müştəriyə özəl xidmət göstərmək, tam məxfiliyi təmin etmək və geniş çeşiddə investisiya xidmətləri təqdim etməkdir.

“PASHA Private Banking” yeni eksklüziv ödəniş kartlarını dövriyyəyə buraxıb. Bu kartlar maliyyə bazarında təklif olunan digər kartlardan nə ilə fərqlənir?

Yeniliklər sahəsində həmişə öndə olan “PASHA Private Banking” öz müştəriləri üçün bu günlərdə xüsusi ödəniş kartlarını – “Horizon” və “Heritage” kartlarını təqdim etdi.

Kartların “Horizon” və “Heritge” adlandırılmasında ilham mənbəyimiz müştərilərimiz qarşısındakı yeni perspektivləri, açılan yeni üfüqləri birgə kəşf etməkdir. Həmçinin əsas əzmimiz qazanılan sərvəti qoruyub növbəti nəsillərə miras olaraq çatdırmaqdır.

Bu kartlara sahiblik eksklüziv yanaşma, fərqli dəyər və premium bank xidmətləri deməkdir.

Müştəri məmnuniyyətini təmin etmək üçün “PASHA Private Banking” indiyə qədər hansı mühüm işlər görüb?

Ötən il açılışı olan yeni ofisimiz ənənəvi bankçılığı üstün tutan müştərilərimiz üçün atdığımız mühüm addımlardan biridir. Xüsusilə, söhbət aktivlərin və sərvətin idarə olunmasından getdikdə, hər bir məhsul və bank həllinə individual yanaşma tələb olunduqda, müştərilər real mütəxəssislərlə ünsiyyətdə olmağı üstün tuturlar. Ofis yüksək keyfiyyətli, təhlükəsiz və konfidensial xidmətin təmin olunması üçün bütün şəraitlə təchiz olunmuşdur.

Ənənəvilik vacib olsa da, dünya dəyişir və inkişaf edir. Texnologiyalar, nəsillər yenilənir və biz müştərilərimizin rahatlığını maksimal şəkildə saxlamaq üçün bu texnologiyalardan geri qalmırıq. Məqsədimiz sadəcə mobil tətbiq yaratmaq deyil, “private bankıng” üçün rəqəmsal filial qurmaqdır. “PASHA Private Banking” yuxarıda sadaladığım xidmətləri ən yüksək səviyyədə davam etdirir. Xidmətlərin rəqəmsallaşdırılmasına böyük diqqət ayrılır və mobil tətbiqdə bu yöndə ciddi işlər görülüb.

Fəaliyyətimiz bir sıra nüfuzlu beynəlxalq mükafatlarla, o cümlədən “Ən yaxşı Private Banking xidmətləri təqdim edən bank”, “Ən yaxşı investisiya bankı”, “Ən yaxşı bank qrupu” mükafatları ilə təltif edilib. Bu mükafatların alınmasında müştərilərin illər ərzində “PASHA Private Banking”ə göstərdiyi etimadın rolu böyükdür.

“PASHA Private Banking” üçün əsas strategiya – müştəri məmnuniyyətidir. Qeyd etdiklərimi nəzərə alaraq, əminliklə deyə bilərəm ki, dəyərli müştərilərimiz “PASHA Private Banking”in verdiyi imtiyaz və fürsətləri dəyərləndirib, onlara göstərilən yüksək səviyyəli xidmətdən məmnun qalacaqlar.

Təşəkkür edirik!

Oxşar xəbərlər

Rəy bildir

Şirkət

Abunə ol

2023 – Bütün hüquqlar qorunur. BBN

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul et Ətraflı

-
00:00
00:00
Update Required Flash plugin
-
00:00
00:00

Adblock Aşkarlandı

Zəhmət olmasa vebsaytımız üçün brauzerinizdən AdBlocker uzantısını söndürməklə bizə dəstək olun.