1 
Yanvarın 22-də, saat 15:00-da “Atasığorta” ASC-nin səhmdarlarının növbədənkənar ümumi yığıncağı baş tutacaq.
Yığıncaq Bakı şəhəri, Nəsimi rayonu, Süleyman Rüstəm küçəsi, 9 ünvanında keçiriləcək.
Gündəliyə şirkətin maliyyə vəziyyətinin müzakirəsi və digər məsələlər daxil edilib.
Qeyd edək ki, “Atasığorta” ASC 2004-cü ildən fəaliyyət göstərir və “AtaHolding” MMC-nin tərkibinə daxildir. Şirkətin nizamnamə kapitalı 8,256 milyon manat təşkil edir. Səhmlərin 100%-i “AtaHolding” MMC-yə məxsusdur.
Xatırladaq ki, cari ilin yanvarın 6-da Azərbaycan Mərkəzi Bankı tərəfindən “Atasığorta” ASC-yə müvəqqəti inzibatçı təyin edilib.
