Azərbaycanda bank sektoru rəqabəti getdikcə müştəri məmnuniyyəti və xidmətlərin əlçatanlığını artırmaq üzərində cəmləşdirir. Banklar rəqəmsallaşma ilə yanaşı, filial və bankomat (ATM) şəbəkələrini genişləndirməklə xidmətləri ölkənin bütün regionlarına, o cümlədən Qarabağ bölgəsinə çıxarmağa çalışırlar.
Hazırda ölkədə 22 bank fəaliyyət göstərir. Xidmət şəbəkəsinin həcminə görə ilk yerləri aşağıdakı banklar tutur:
• Kapital Bank – 119 filial, 53 şöbə, 1 190 ATM
• ABB – 77 filial, 10 şöbə, 1 050 ATM
• Bank Respublika – 38 filial, 83 ATM
• AccessBank – 37 filial, 1 şöbə, 44 ATM
• Unibank – 31 filial, 185 ATM
• Xalq Bank – 30 filial, 1 şöbə, 142 ATM
• Rabitəbank – 28 filial, 74 ATM
• Yelo Bank – 22 filial, 48 ATM
• Bank of Baku – 21 filial, 36 ATM
• TuranBank – 18 filial, 3 şöbə, 35 ATM
Kapital Bank 119 filial, 53 şöbə və 1 190 ATM ilə ölkədə ən geniş xidmət şəbəkəsinə sahibdir və bu göstərici ilə bank sektorunda liderlik mövqeyini qoruyur. ABB 2-ci, Bank Respublika isə 3-cü sırada qərarlaşır.
Ekspertlərin fikrincə, filial və bankomatların sayının çoxluğu bankların müştəriyə yaxınlığını, bazar payını və regionlarda iqtisadi fəallığın dəstəklənməsini təmin edən əsas amillərdəndir. Bu, həmçinin istehlakçı etimadının artmasına və brend tanınırlığının güclənməsinə səbəb olur.
Ümumilikdə, filial və ATM şəbəkəsinin genişlənməsi bank sektorunda sağlam rəqabət mühitinin formalaşdığını və bankların həm rəqəmsal, həm də fiziki infrastruktura paralel investisiya etdiyini göstərir.
