Azərbaycan və Dünya Bankı arasında biznes mühitinin təkmilləşdirilməsi məsələləri müzakirə olunub.
Bu barədə iqtisadiyyat naziri Mikayıl Cabbarov “X” sosial şəbəkəsindəki paylaşımında məlumat verib.
Nazir qeyd edib ki, Dünya Bankının Avropa və Mərkəzi Asiya regionunda rifah üzrə regional direktoru Əsəd Ələmin rəhbərlik etdiyi nümayəndə heyəti ilə görüş keçirilib.
“Görüş zamanı ‘2027–2030-cu illərdə sosial-iqtisadi inkişaf strategiyası’nın layihəsinə daxil edilməsi planlaşdırılan istiqamətlər, biznes mühitinin təkmilləşdirilməsi, dayanıqlı və inklüziv iqtisadi artımın, həmçinin məşğulluğun təşviqi barədə fikir mübadiləsi apardıq. Beynəlxalq təcrübədə biznesin intensiv inkişafı üzrə aparılan təhlillərin nəticələrinin və özəl sektorun stimullaşdırılması ilə bağlı tədqiqat metodologiyalarının Azərbaycanda tətbiqi imkanlarını da müzakirə etdik”, – M.Cabbarov bildirib.
