Bu gün açıqlanacaq hesabat ABŞ Mərkəzi Bankı üçün vacib olacaq

Proqnozlara əsasən ABŞ-da istehlakçı qiymət indeksi 2023-cü ilin son ayında 0.2% artıb, bütün ötən il üçün isə 3.2% ola bilər.

BBN.az xəbər verir ki, bu haqda CNBC Business nəşri bu gün açıqlanacaq ABŞ-ın inflyasiya ilə bağlı hesabatından öncə yazıb.

Bildirilir ki, bu gün açıqlanacağı gözlənən hesabat ölkənin Mərkəzi Bankı (FED) üçün gələcək faiz qərarlarında vacib olacaq. Qeyd edilib ki, təxmin edilən rəqəmlər ilə FED-in faiz azalmaları və bazarın gözləntiləri arasında böyük bir fərq var.

Əlavə edək ki, son hesabat göstərib ki, ABŞ-da inflyasiya 3.1% olub, amma FED-in hədəfi isə 2%-ə çatmaqdır.