Bu gün “Kibermüharibə”nin qalibi müəyyənləşəcək

Oktyabrın 27-də Bakı Konqres Mərkəzində keçirilən “Critical Infrastructure Defence Challenge 2023” (“CIDC-2023”) tədbiri çərçivəsində “Kibermüharibə” yarışının qalibi müəyyənləşəcək.

BBN.az xəbər verir ki, final mərhələsində 20 komanda mübarizə aparır.

Azərbaycanda kritik informasiya sistemlərində kiberhücumlardan müdafiə qabiliyyətinin və böhran vəziyyətlərində informasiya sistemlərinin idarə olunmasının inkişaf etdirilməsi məqsədilə ilk dəfə keçirilən tədbir Azərbaycan Respublikası Xüsusi Rabitə və İnformasiya Təhlükəsizliyi Dövlət Xidməti və Azərbaycan Respublikası Dövlət Təhlükəsizliyi Xidmətinin birgə təşkilatçılığı ilə reallaşıb.