Bütün bizneslər üçün Apple Pay və Google Pay ödənişləri

1

Epoint.az KOS müştərilərinə Apple Pay və Google Pay tokenləşdirilmiş ödənişlərdən istifadə etməklə mal və xidmətlər üçün elektron ticarət ödənişlərini qəbul etmək imkanı verir.

Epoint Inc. CyberSource və beynəlxalq ödəniş şirkəti Visa ilə birlikdə, bütün növ bizneslər üçün e-ticarətdə Apple Pay və Google Pay ödənişlərinin qəbulu xidmətini işə saldı. Bu məhsulun əsas məqsədi, KOS və Mikro müştəriləri üçün, hətta veb-saytları və ya mobil tətbiqləri olmadan, bir neçə kliklə, öz müştərilərindən tokenləşdirilmiş ödənişləri qəbul etmək imkanını təqdim etməkdir.

Epoint bu xidmətə iki istiqamətdə qoşulma imkanı verir:

1. Müştərinin veb-saytı və ya mobil tətbiqi varsa, bir neçə dəqiqə ərzində təqdim olunan API protokolu vasitəsilə inteqrasiya edərək müştəriləri üçün Apple Pay və Google Pay ödəniş xidmətlərini qəbul edə bilər.

2. Müştərinin veb-saytı və ya proqramı yoxdursa, Epoint-ə qoşularaq ödəniş alətlərinə inteqrasiya olunmuş pulsuz mini-sayt (Biznes səhifəsi) əldə edə bilər. Müştəri, istənilən vaxt hansı növ ödənişləri qəbul etmək istədiyinə özü nəzarət və ödənişləri idarə edə bilər. Ödənişlərin qəbulu üçün hazır platformadan istifadə edərək, müştəri öz veb-saytını yaratmadan və xərcləri olmadan, dərhal ödənişləri qəbul etməyə və satış konversiyasını artıra bilər.

 

Hər iki istiqamət üzrə müştərilər, 2 kliklə tokenləşdirilmiş ödənişləri qoşa, satışlarını artıra, müştərilərinə ödəniş zamanı kartları yaddaşda saxlamadan ödənişləri icra edə, biometrik ödəniş yoxlaması vasitəsilə daha təhlükəsiz ödənişləri qəbul edə, həmçinin inteqrasiya xərclərini azalda biləcəklər.