“Fintech” investisiyaları yüz milyard dollara yaxınlaşıb

0

Qlobal biznes mühitində gündən-günə daha da geniş vüsət alan maliyyə texnologiyaları şirkətləri, digər dillə desək “fintech”lər bütün dünya ölkələrinə yayılıb. Bu sahədə araşdırma aparan “KPMG” şirkəti cari ilin ilk yarısında qlobal “fintech” investisiyaların həcmini açıqlayıb.

“Big Four” şirkətlərindən olan “KPMG” şirkətinin “Pulse of Fintech 2021” hesabatına istinadən, 2021-ci ilin birinci yarısında “fintech” sahəsinə qoyulan investisiyaların ümumi həcmi 98 milyard dolları keçib. Bu göstəricinin 42.1 milyard dolları ABŞ-ın, 39.1 milyard dolları isə EMEA regionunun payına düşüb.

Məlumat üçün qeyd edək ki, ötən ilin ikinci yarısında bu göstərici 87 milyard dollar səviyyəsində idi.