Çin və Rusiya arasında ticarət dövriyyəsi 2026-cı ilin yanvar-iyun aylarında illik müqayisədə 25,6% artaraq 134,17 milyard dollara çatıb.
BBN.az xəbər verir ki, bu barədə Çin Xalq Respublikasının Baş Gömrük İdarəsi məlumat yayıb.
Məlumata görə, hesabat dövründə Çinin Rusiyaya ixracı 28,4% artaraq 60,60 milyard dollar təşkil edib. Rusiyadan idxal isə 23,3% yüksələrək 73,58 milyard dollara çatıb.
Təkcə iyun ayında iki ölkə arasında ticarət dövriyyəsi 24,35 milyard dollar olub. Bu dövrdə Çin Rusiyaya 11,43 milyard dollar dəyərində məhsul ixrac edib, Rusiyadan isə 12,92 milyard dollar dəyərində mal idxal edib.
Son illərdə Çin və Rusiya arasında iqtisadi əməkdaşlıq, xüsusilə enerji, sənaye və logistika sahələrində əlaqələrin genişlənməsi fonunda qarşılıqlı ticarət dövriyyəsində davamlı artım müşahidə olunur.
