“Fintech” sahəsi Almaniya iqtisadiyyatında payını artırıb

Bütün növ maliyyə texnologiyaları üzrə fəaliyyət göstərən şirkətləri özündə cəmləşdirən “fintech” konsepsiyası artıq uzun müddətdir ki, bankçılıq sahəsində payını artırmaqdadır. “Fintech” trendinin ən sürətlə yayıldığı Qərbi Avropa ölkələrindən biri olan Almaniya iqtisadiyyatında artıq özünəməxsus paya sahibdir.

Almaniya Maliyyə Nazirliyinin nəzdində fəaliyyət göstərən Almaniya Tərəfdaşlıq Assosiasiyası (GPA) “fintech” sektorunun cari vəziyyətini özündə əks etdirən yeni hesabat tərtib edib. Hesabata istinadən, 2018-ci ildən bu yana Almaniya iqtisadiyyatında yaradılan hər on startapdan biri maliyyə texnologiyasında fəaliyyət göstərən startap olub.

Ümumilikdə, 639 “fintech” şirkətinə malik olan Almaniyada böyük əksəriyyət paytaxt Berlinin payına düşür. Belə ki, sözügedən şirkətlərin 28%-inin mərkəzi ofisi Berlin şəhərində yerləşir.