Son illərdə inkişaf etməkdə olan ölkələrin dövlət borcunda sürətli artım qeydə alınıb. 2010–2024-cü illər ərzində inkişaf etmiş ölkələrdə borclanma 1,7 dəfə artaraq təxminən 28 trilyon dollar, inkişaf etməkdə olan ölkələrdə isə 3,7 dəfə artaraq 23 trilyon dollar təşkil edib.
Beləliklə, ümumi borclanmanın təxminən üçdə ikisi inkişaf etmiş ölkələrin payına düşür. 2024-cü ilin sonuna bu ölkələrin ümumi borcu 102 trilyon dollara çatıb. Bunun 70 trilyon dolları varlı ölkələrin, təxminən 32 trilyon dolları isə inkişaf etməkdə olan ölkələrin payına düşür.
Ekspertlər bildirirlər ki, borc səviyyəsinə qarşı yüksək həssaslıq inkişaf etməkdə olan ölkələrdə daha çox müşahidə olunur. Bunun əsas səbəbləri arasında dövlət gəlirlərinin, xüsusilə vergi gəlirlərinin məhdudluğu, iqtisadi inkişaf səviyyəsindəki fərqlər və maliyyə siyasətindəki prioritetlər göstərilir.
Mütəxəssislərin fikrincə, inkişaf etmiş ölkələrdə borclanma əsasən mövcud infrastruktur və sosial rifah səviyyəsinin qorunmasına yönəlib. İnkişaf etməkdə olan ölkələrdə isə borclanma istehsal gücünün və institusional potensialın artırılmasına xidmət edir. Bu da borcun daha sürətli artımının “geridə qalmış inkişafın kompensasiyası” məqsədini daşıdığını göstərir.
