Aprelin 28-də Kolumbiya Respublikasının ölkəmizdəki Səfirliyinin təşkilatçılığı ilə “ADA” Universitetində Sakit Okean Aliyansı təşkilatının 10 illiyinə həsr olunmuş tədbir keçirilib.
Tədbirdə Azərbaycan Respublikasının Kiçik və Orta Biznesin İnkişafı Agentliyi (KOBİA) də təmsil olunub. Agentliyin İdarə Heyətinin sədri Orxan Məmmədov tədbirdəki çıxışında KOBİA-nın fəaliyyəti barədə məlumat verib, Agentliyin Alyansa üzv və təşkilatda müşahidəçi qismində təmsil olunan ölkələrin KOB sahəsində müvafiq qurumları ilə əlaqələrin genişləndirilməsində maraqlı olduğunu, belə tədbirlərin bunun üçün əlverişli platforma olduğunu vurğulayıb.
Tədbirdə müvafiq ölkələrlə KOB sahəsində təcrübə mübadiləsinə, müxtəlif tədbirlərin və işgüzar missiyaların təşkilinə dair təkliflər də səsləndirilib.
