Məlumat Mərkəzinin idarə edilməsi üzrə Türkiyə təcrübəsi öyrənilmişdir

9

Azərbaycan Bank və Maliyyə Tədris Mərkəzinin təşkilatçılığı, Azərbaycan Banklar Assosiasiyasının dəstəyi ilə 19-20 dekabr 2024-cü il tarixlərində müştəri məlumat mərkəzi mövzusunda bankların bu istiqamətdəki digər rəhbər şəxslərinin İstanbula səfəri baş tutmuşdur.

Səfər çərçivəsində aşağıdakı qurumların bu sahəyə məsul rəhbər şəxsləri və mütəxəssisləri ilə görüşlər təşkil edilmişdir:

1. İş Bankası;
2. Ziraat Bankası;
3. Deniz Bankası.

Səfər çərçivəsində iştirakçılar aşağıdakı mövzularla tanış olmuşlardır:

• Məlumat Mərkəzi ilə bağlı ümumi məlumat;
• Məlumat Mərkəzi şöbəsinin funksiyası və iş rejimi;
• Məlumat Mərkəzi sistemində istifadə olunan proqram təminatları;
• Məlumat Mərkəzi üçün FAQ-ların hazırlanması;
• Məlumat Mərkəzi əməkdaşlarının inkişaf planları;
• Məlumat Mərkəzi əməkdaşlarının stresə davamlılığının təmini;
• Məlumat Mərkəzi əməkdaşlarının motivasiya xarakterli proqramları?
• Digər strukturlarla kommunikasiya necə təşkil olunur?
• Məlumat Mərkəzi sisteminin texniki dəstəklənməsi;
• Süni intellekt istifadəsi hansı formada təşkil olunur?
• Bank Məlumat Mərkəzlərinin İnkişaf Prosesləri və Sektor Təhlili;
• Məlumat Mərkəzlərində Texnoloji İnkişaf;
• Məlumat Mərkəzlərində Rəqəmsallaşma Prosesləri;
• Məlumat Mərkəzi Tranzaksiya Müxtəlifliyi və Tətbiqləri.

Qeyd edək ki,  Azərbaycan Bank və Maliyyə  Tədris Mərkəzi (ABFTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABFTC tərəfindən 250-a yaxın təlim mövzusu üzrə, 36 mindən çox dinləyiciyə 2500-ə yaxın təlim kursu təşkil edilmişdir.