Maliyyə bazarlarının inkişafı və kreditlərin əlçatanlığı işçi qrupunun hesabat xarakterli iclası keçirilmişdir

Biznes mühiti və beynəlxalq reytinqlər üzrə Komissiyanın Maliyyə bazarlarının inkişafı və kreditlərin əlçatanlığı İşçi qrupunun 01.03.2023-cü il saat 11:00-da “Webex” onlayn platforması vasitəsilə hesabat xarakterli növbəti iclası keçirilmişdir.

İclasda İşçi qrupunun 2022-ci il üçün Fəaliyyət Planında yer alan tədbirlər üzrə görülmüş işlər barədə Mərkəzi Bank və İqtisadiyyat Nazirliyinin nümayəndələri tərəfindən məlumat verilmiş və müvafiq indikatorlar üzrə ölkənin mövqeyinin yaxşılaşdırılması istiqamətində İşçi qrupu çərçivəsində gələcək addımlar müzakirə edilmişdir.

İclasda Mərkəzi Bankın, Nazirlər Kabinetinin, İqtisadiyyat Nazirliyinin, Maliyyə Nazirliyinin, Ekologiya və Təbii Sərvətlər Nazirliyinin, Rəqəmsal İnkişaf və Nəqliyyat Nazirliyinin, Dövlət Neft Fondunun, Azərbaycan Banklar Assosiasiyasının, Azərbaycan Kredit Bürosunun, Azərbaycan Mikromaliyyə Assosiasiyasının, Azərbaycan Sığortaçılar Assosiasiyasının, Azərbaycan Fond Bazarı İştirakçılarının Assosiasiyasının, Ekvita şirkətinin, “AzFinance İnvestisiya Şirkəti” QSC-nin və “Asiya İnkişaf Bankı”nın nümayəndələri iştirak etmişdir.