![](https://bbn.az/wp-content/uploads/2024/09/bbn.az_Pulsuz-kart_570x90px-002.jpg")
Məlum olduğu kimi, 17-24 sentyabr 2024-cü il tarixlərində Azərbaycan Beynəlxalq Bankının (ABB) səhmlərinin kütləvi yerləşdirilməsi uğurla həyata keçirilmişdir. Abunə yazılışı üsulu ilə həyata keçirilən yerləşdirmə zamanı investorlar bank mobil tətbiqi vasitəsilə sifarişlərini yerləşdirmək imkanı əldə etmişdilər. Bu məqsədlə, Azərbaycan Respublikasının Milli Depozit Mərkəzi (MDM) depo hesablarının açılması üçün müvafiq API-lar təqdim etmişdir.
Növbəti mərhələdə, ABB səhmlərinin bank mobil tətbiqi vasitəsilə təkrar bazarda ticarətinin təşkil olunması nəzərdə tutulmuşdur. Bu məqsədlə, MDM, Bakı Fond Birjası və bir sıra banklar tərəfindən müvafiq işlər görülmüşdür. Belə ki, MDM API vasitəsilə investorların balansları və əqdlərin hesablaşma statusları barədə məlumatların mobil tətbiqlərə ötürülməsini təmin etmişdir.
Qeyd edək ki, MDM-in 2024-2026-cı illər üzrə inkişaf strategiyasının “Əməliyyat və Xidmət Effektivliyinin Artırılması” hədəfi çərçivəsində “Rəqəmsallaşma səviyyəsinin artırılması” təşəbbüsü müəyyən edilmişdir.
