1 
Milli Məclisin payız sessiyası üzrə son plenar iclası dekabrın 30-da baş tutacaq.
Bu barədə parlamentin bugünkü plenar iclasının yekununda spiker Sahibə Qafarova məlumat verib.
O qeyd edib ki, növbəti plenar iclasın gündəliyi barədə əlavə məlumat veriləcək.
Qeyd edək ki, Milli Məclisin Daxili Nizamnaməsinə əsasən, payız sessiyası sentyabrın 30-da başlayır və dekabrın 30-da sona çatır. Parlament yanvarın 1-dən 15-dək tətilə buraxılır, bu müddətdə deputatlar məzuniyyətdə sayılırlar.
Tətil dövründə Milli Məclisin növbədənkənar sessiyası çağırıldıqda isə tətil dayandırılır və deputatlar məzuniyyətdən geri çağırılır.
Yaz sessiyası isə fevralın 1-də başlayır və mayın 31-dək davam edir.
