Naxçıvanda “Sığorta Festivalı” keçiriləcək

Azərbaycan Respublikasının Mərkəzi Bankı, Azərbaycan Sığortaçılar Assosiasiyası və İcbari Sığorta Bürosunun birgə əməkdaşlığı çərçivəsində Azərbaycanda sayca ikinci dəfə “Sığorta Festivalı” keçirilir.

6 sentyabr saat 19:00-da Sığorta Festivalı Naxçıvanda təşkil olunacaq. Cəlil Məmmədquluzadə adına Dövlət Dram Teatrının qarşısında baş tutacaq tədbir ölkədə fəaliyyət göstərən sığorta şirkətlərinin iştirakı ilə keçiriləcək.

Festival çərçivəsində sığorta maarifləndirməsi prosesi əyləncəli şoular, musiqili proqramlar və hədiyyəli yarışmaların müşayiətilə aparılacaq.

Layihənin məqsədi geniş əhali qruplarının və biznes nümayəndələrinin sığorta sahəsində bilik və təsəvvürlərinin artırılması və onların sığorta xidmətlərinə cəlb olunmasının təşviq edilməsindən ibarətdir.

Yayın ən əyləncəli və öyrədici festivalını qaçırmayın! Gəlin bu festivalı birlikdə unudulmaz edək!