0 
bp və tərəfdaşlarının Azərbaycanda həyata keçirdiyi sosial layihələrə yönəltdiyi investisiyaların həcmi 115 milyon ABŞ dollarını ötüb.
BBN.az bp-yə istinadən xəbər verir ki, şirkət fəaliyyətə başladığı dövrdən bu günə qədər özü və əməliyyatçısı olduğu birgə layihələrdəki tərəfdaşları adından ölkədə müxtəlif sosial sərmayə təşəbbüslərinə ümumilikdə 115 milyon ABŞ dollarından çox vəsait ayırıb.
Məlumatda qeyd olunub ki, bp artıq 34 ildir Azərbaycanda neft və qazın kəşfiyyatı, işlənməsi və nəqli üzrə iri enerji layihələrinin operatoru kimi fəaliyyət göstərir.
Şirkət həmçinin bildirib ki, bu müddət ərzində tərəfdaşları ilə birlikdə Azərbaycanda həyata keçirdiyi layihələrə yatırdığı investisiyaların ümumi həcmi 89 milyard ABŞ dollarını keçib.
