0 
“Bakı Fond Birjası” QSC (BFB) ilə “PAŞA Kapital İnvestisiya Şirkəti” QSC arasında “Azərbaycan Beynəlxalq Bankı” ASC-nin (ABB) adi, adlı və sənədsiz səhmləri üzrə marketmeyker müqaviləsi imzalanıb.
BBN.az xəbər verir ki, bu barədə BFB məlumat yayıb.
Müqaviləyə əsasən, “PAŞA Kapital” ABB səhmləri üzrə təkrar bazarda gündəlik olaraq 15%-dən çox olmayan qiymət dəhlizi çərçivəsində alış və satış qiymətləri müəyyən edəcək.
İnvestisiya şirkəti, həmçinin Birjanın ticarət sistemində öz adından 50 min manat ekvivalentindən az olmayan həcmdə alış və satış sifarişləri yerləşdirəcək.
Yeni marketmeykerlik müqaviləsinin ABB səhmlərinin təkrar bazarda likvidliyinin və ticarət aktivliyinin artırılmasına xidmət edəcəyi gözlənilir.
