“PASHA Bank Cup VI” yarışının final mərhələsinə hazır olun

Azərbaycanda IT sahəsində təhsil alan və çalışan kadrların potensialının artırılmasına və bu sahəyə marağı olanların bacarıqlarının inkişaf etdirilməsinə yönəlmiş “PASHA Bank Cup VI” yarışının final mərhələsi başlamaq üzrədir.

Final mərhələsi 29 sentyabrda Bakı Mühəndislik Universitetində keçiriləcək. İndiyədək ən çox bal toplayan iştirakçılar “PASHA Bank Cup VI” kuboku uğrunda mübarizə aparacaqlar.

Bu mərhələ data strukturları, axtarış və sıralama alqoritmləri, dinamik proqramlaşdırma və qraflar barədə olacaq.

“Data strukturları və alqoritmləri” mövzusunu əhatə edən “PASHA Bank Cup VI” yarışı 2 təsnifat mərhələsini geridə qoyub.

Hər yaş kateqoriyasında ilk üç yerin qalibləri “PAŞA Bank” tərəfindən dəyərli hədiyyələrlə mükafatlandırılacaq. Ən əsası isə, yarış zamanı yüksək nəticələr göstərən iştirakçılar Bankda işləmək imkanı əldə edəcəklər.