0 
Qızılın qiyməti tarixdə ilk dəfə bir troya unsiyası üçün 4000 dollar həddini keçib.
BBN.az xəbər verir ki, “Comex” birjasında 2025-ci ilin dekabr ayı üzrə qızıl fyuçerslərinin dəyəri 0,35% artaraq 4000,1 dollara yüksəlib. Bu, qiymətli metal üçün yeni tarixi rekord sayılır.
Bununla belə, ticarət məlumatlarına əsasən, Bakı vaxtı ilə saat 04:54-də qiymət bir qədər geriləyərək 3987,4 dollar səviyyəsində qərarlaşıb.
Daha əvvəl Bakı vaxtı ilə saat 18:36-da qızılın bir unsiyasının qiyməti 3980,2 dollara (+1,74%) çatmışdı.
Analitiklərin fikrincə, qızılın qiymətindəki bu artım qlobal iqtisadi qeyri-müəyyənlik və investorların təhlükəsiz aktivlərə marağının güclənməsi ilə əlaqədardır.
