1907-ci ildə yaradılan “Royal Dutch Shell” şirkəti brend adında dəyişikliyə getməyi düşünür. Niderland mərkəzli neft və qaz hasilatçısı sözügedən ölkə ilə bağlarını qoparmaq məqsədilə Royal Dutch sözlərini ixtisar edərək “Shell” brendi altında fəaliyyətini davam etdirəcək.
Şirkət rəsmisi bu dəyişikliyin əsas səbəbi kimi, iqlim dəyişikliyi ilə bağlı bir sıra məsələlər səbəbindən amerikalı milyarder aktivist Dan Loeb ilə konfliktlərin yaranması göstərilib. Yeni dəyişiklik nəticəsində, şirkətin hüquqi ünvanı da Haaqa şəhərindən London şəhərinə köçürüləcək və bununla da “Shell” şirkəti Niderland brendi olmaqdan çıxacaq.
Digər tərəfdən isə, “Shell” şirkətinin səhmləri Nyu York və London ilə yanaşı, Amsterdam birjasında da əməliyyatlarına davam edəcək. Rebrendinq xəbərindən sonra şirkət səhmlərində 2% həcmində artım qeydə alınıb. 154.2 milyard dollar həcmində bazar kapitalizasiyasına malik olan “Shell” şirkəti cari ilin ilk 9 ayında 4.1 milyard dollar həcmində gəlir əldə edib.