Türkiyə Rusiya təbii qazına görə ödənişlərin bir hissəsini rubl ilə ödəyəcək, planlaşdırır ki, Rusiya ilə əlaqələri sıxlaşdırsın, məsələn, ölkənin Mir ödəniş sistemindən istifadə də bura daxildir.
BBN.az DW Business-ə istinadən xəbər verir ki, bu sözləri Türkiyə prezidenti Rəcəb Tayyip Ərdoğan şənbə günü açıqlamasında deyib. Prezident bir gün öncə Soçidə Rusiya prezidenti Vladimir Putin ilə görüşünə toxunub.
Tərəflərdən heç biri ödənişlərin hansı hissəsinin rubl ilə olacağını deməyib. Ərdoğanın bu addımı isə fevralın 24-də Rusiyanın Ukraynanı işğal etməsindən dolayı sanksiya tətbiq etmək üçün beynəlxalq təkanlara səbəb olan ABŞ ilə zidiyyət təşkil edir.
Rubl ödənişləri Rusiyaya dollar ödənişlərindən və sanksiyalar səbəbindən bu ödənişlərə qoyulan məhdudiyyətlərdən qaçmağa kömək edir. Rusiya Türkiyənin neft idxalının ¼-ni və 2021-ci ildə təbii qaz alışının demək olar ki, yarısını təşkil edir. Rusiya, həmçinin, Ankara ilə ortaq investisiyanın bir hissəsi olaraq ölkənin ilk atom elektrik stansiyasını da tikir.